::.. عـــبــــيــــد أبــــو فــــلــــقــــة ..::

[السفيران]

- - - المشهد الأول - - -

طق طق طق طق ..... عبييييييييييييييد .. يالله قم صل الفجر ..

- أمممممممممه ... من ؟ ...


طق طق طق طق .. عبيييييييييد قم قامت عصبك ..


- طيييييييييييييييييب ..


يالله صباح خير ..


الله أكبر .. .. سمع الله لمن حمدا ..

..

السلام عليكم ورحمة الله .. السلام عليكم ورحمة الله



استغفر الله استغفر الله استغفر الله .. اللهم انت السلام ومنك السلام تباركت يا ذا الجلال والأكرام ..

*****************

هكذا كان عبيييييييييد يبدا كل يوم في حياتي في قرية من قرى المملكة الغالية


*****************

- - - المشهد الثاني - - -


ترن تررررررررررررررررررن ترن تررررررررررررررن


استعد ..


أسترح ..


واحد .. أثنين .. ثلاثة .. أربعة ..



1 .. 2 .. 3 .. 4



أما الآن معكم الأذاعة المدرسة .. ونبدأها بتلاوة عطرة من الطالب دحيم الأصلع .. : بسم الله الرحمن الرحيييييييييييييم ..........)



أما الآن مع حكمة اليوم مع الطالب عبيد أبو فلقة


- باب النجاجير مخروع


*****************



هكذا كان عبيد .. شاباً محافظاً على تقاليده وأعرافه وسلومه وكانت البسمة لا تفارق كشرته من حبه للحياة يملا قلبه التفاول وحب الناس


*****************

- - - المشهد الثالث - - -


- تعال يا عوينااااااتي يا عبيييييييييد تعال أضمك .. ما عاد باقي ألا كم شهر تخلص الثنويه و تشد تسكن في الرياض تدرس في المجمعة


- يا بنت الحلال موب الثنوية .. الثانويييييييييية .... والثانية جاااااااااااااامعة موب المجمعة حقت سدير ذي ..


- الله يوفقك يا وليدي يا عويناتي الا مير بنشدك .. ألا منك تخرجك من الجامعة تلقا لك في العسكرية وظيفة ..


- يا بنت الحلال وشو عسكريته .. يبون يخلوني موظف بعدها استلم ألفييييييييييين . .. . أنا عارف أنس ما تعرفين كم يعني ألفين بس هي عشرين مية .. .. فهمتي .. ؟


_ الله يفتحها في وجهك يا وليدي يا عوينااااااااتي وترجع وازوجك حصيص الرفلا (( بدا يحمر وجه عبيد ))


*****************

كانت طموحة وآماله لا تتعدى الألفين ريال ليغري بها حصيص الرفلا


*****************

- - - المشهد الرابع - - -


- يالله عاد هالحين أنت رجال .. وياقف على زندك بعير أبو سنامين .. حتى ثيابك قامت تشقق من كبرك .. أحرص يا ولدي على الصلاة مع الجماعة في المسجد .. وأنبببببببببببببببببببببببه .. ايااااااااااااااني وأياااااااااااااااااك .. تتأخر .. فاهم وألا ترى بهون عن هالدراسة ..


- أبشر يبه



- ودحيم الأصلع ذا لعد أشوفك تماشيه .. أمس عقب ما حظرنا الأسماء في المسجد ما لقيناه مصلي .. ( الله لا يخزينا )


- أبشر يبه


- وعليييييييييييييك بالأذكار ..


- يا بن الحلال الولد رجال وعارفاً كل اللي تبي تقوله .. شوي شوي عليه


- يا بنت الحلال ما أبيه يضيع فيذاك .. ألا منه دخل المدن الكبيرة ذي .. تو قلبه ني وطايش ..


- يا يبه أنا رجال .. شف شنبي


*****************

هاهو عبيد يرحل من قريته وعبراته تخنقه وكل ما أبتعد قليلاً زادت حرة قلبه عليها وعلى امه وابوه وحصيص الرفلا عندها فهم معنى العبارة التي كانت مكتوبة على جدار عزبة دحيم الأصلع وأخوياه

( الحب عذااااب .. تقوى الهجر .. بشير حمد شنان )


*****************

- - - المشهد الرابع - - -


- ( الكداد - سواق الرحلة - راعي طرب ) حبيبي من الطاقة رماني .. رماني .. بنظرة من بعييييييييييد .. .. عاااااااااااااش أبو هذال ..


- مرزوق .. مرزوووووووووووووق .. أقصر على الصوت .. وصمخ ..


- هاه وش تبا ؟


- هالعسكر اللي قدامنا وش يبون ...؟


- هذه التفتيش .. يفتشون المواتر ..


- أها . والرياض هذه محد يدخلها ألامفتشينه ؟....


- علاك نور .. تمام التمام

- عجيييييييييييييييييييييييييب .. طيب حولنا مطعم مرقوق ..؟ ابيه بالقرع والكوسة .. وابي فيه لحم حاشي لباااااااااني


- ماحولك ألا هرفي يا عبييييييييييد ..


- والله هرفي تسنه كثير وألا .. حولك أثنينن يلبونه معنا ؟


- أقول يا عبيييييييييييد ورى ما تشحم ألين ندخل الديرة ..؟


- والديرة هذه ما وصلناها ..؟

- تونا

- الله الله اللله وش ذا يا مرزوووق .. وش هالبيوت .. وش هالآوادم .. هذولا بشر مثلنا .. ؟


- أنا وش اللي خلاني أجيب معي هالقروي اللي ما قد شاف شي


- خمسين أبوي اللي معطيك أياها .. مهوب لله تجيبني أنطلني عند الجامعة ..


- أي جامعة .. ؟


- ماغيرها الجامعة


- أبك أهنا عندهم جامعتين والثالثة بدراهم .. أيهن تبي ؟


- اهااااااااا .. طيب ودي لأطرف وحده ..



ج ج جامعة الملك سعود بس بس وقف هذي هي نزلني نزلني ..


- يالله فمان الله ..


- طق طق طق السلام عليكم أنا عبيد وتوني متخرج من الثانوي وابي ادرس عندكم


- ( نظرة من رجل الأستقبال من أسفل قدم عبيد إلى أعلى هامته بتعجب ) طيب عب لي هذا الأبليكيشن ..


- وشو ذا الشيشن .


- يووووووووه وش جاب ذا القروي ..؟ رح رح للمكتب اللي جنبي يشرحون لك ..


- طق طق طق السلام عليكم أنا عبيد وتوني متخرج من الثانوي وأبي أدرس عندكم وخويكم قال رح للمكتب اللي جنبي ..

- .... وش الحكم .. صن ؟ ألعب ألعب .


- يا ناس أنا أحاكيكم ..


- المكتب اللي آخر السيب يا بوي


*****************


بعد عناء طويل من تسيب واستهتار موضفيننا في الحكومة .. مر أحد الدكاترة فشرح لعبيد طريقة تعبئة الأبليكيشن


*****************

- - - المشهد الخامس - - -


- طق طق طق

- مين .؟


- انا افتح


- يا هلاااااااااااا يا مرحباااااااااااااا حي الله ولد أختي نوير ..


- الله يحييك يا خال ..


- أقلط أقلط ..


- أحم أحم يا ولد


- هاه وش جابك؟ .. ..


- والله جيت ادرس في الجامعه ..


- عسى لقيت لك كرسي ورقم ؟


- والله أشوف كراسيهم منطله وواجد ..

- يا حي الله ولد أختي نويييييييير .. .. طيب لقيت لك شقة تستاجرها ..؟


لا والله أبو يقول هناك خالك أسكن عنده ما يحتاج اجار وخرابيط ..

- آييييييييييييه .. أنت خابر يا عبيد .. البيت ضيق .. مثل منت شايف مساحته 800 ودورين بس .. وسوسو بسم الله عليها كبرت وبنغطيها

ولا نبي في البيت رجالاً غريب .. في أقصى الحارة شقة بتفضى يوم الخميس الجاي ..


- زين جزاك الله خير يا خال .. ما قصرت وقفتك معي وقفت رجاجيل ..


*****************

بدأت تزيح حياة المدينة عن وجهها الستار أمام عبيد وتطلعاته للمستقبل ..

*****************
- - - المشهد السادس - - -


- عبيد .. عبيد .. عبيد .. عبيد .. عبيد .. عبيد .. عبيد .. عبيد ..

وين أسمي وين أسمي ..؟ .. خلني بروح لهم أنشدهم وراهم ما رزوا اسمي مع المقبولين ..

طق طق طق السلام عليكم يا أستاد

- ( رد الموظف وهو يخاطب زميلة في المكتب بصوت منخفض ) .. وش يبي ذا الدلخ ..؟


- أنا أبي أدرس عندكم بس ما لقيت أسمي . ؟


- وأنت على بالك الجامعة فاتحينها لك وأمثالك يا قروي .


- ليه .. يا أستاد مهيب .. للشباب المتخرجين .. ؟ أنا سعودي ومتخرج ونسبتي 82 .. ليه ما تدرسوني ..؟


- شف لا تطولها وهي قصيرة .. ترى كبدي حايمتن منك ..


- بسم الله على تسبدك . وليه حايمه مني ..


- شف عاد بأختصار .. تبي الجامعة ..؟ تبي أمورك تمشي ..؟ طس جب لك فيتامين واو .. أو أدهن السيور ..


- ومن وين يجيبون فيتامين واو ذا .. ؟


- يووووووووووووه الله يعيني على ذا .. فيتامين واو يعني واسطة .. وادهن السيور يعني أصفقني بــ 5000 ريال وأدخل
أسمك مع الأحتياط ..


*****************

وبقي عبيد هكذا لا دراسة ولا وظيفة أم ألفين .. وتوفيا أمه وأبوه أثر حادث أليم حصل لهما وهما في طريقهما إلى الرياض في زيارة لأبنهما

عبييييييييييد .. وحصيص الرفلا تزوجت دحيم الأصلع بعد ما توسط له أحد أخوياه في العزبة وأصبح موظف يستلم 4000 ريال مع زيادة 15%

وهو ما عنده ألا شهادة المتوسطة ( مع الدف في ثاني وثالث متوسط ) يعني بأختصار ماعنده ما عند جدتي


********* المــــــــراد *********

1س / ماهو مصير .. كل من كان مثل عبيد .. ؟

2س / من هم أطراف قضية عبيد ؟

3س / ماهو الحل ؟

::.. في إنتظار مشاركاتكم وآرائكم ..::

[عبدالعزيز آل سولو]

[فقط الأعضاء المسجلين والمفعلين يمكنهم رؤية الوصلات]

،، السفيران ،،

هلا ومليون غلا السفيران

بدايةً أحييك على هذا الأسلوب الرائع والتمكن من القلم في التشويق

قصة عبيد ذكرتني بسعود اللي راج راسي الله يسامحه كل ما شافني نط "متى راح تكتب قصتي؟؟"

لكن عبيد يختلف عن سعود ولو ان قصتهم متشابهة في مضمونها

ومن وجهة نظري عبيد لو كان سمع كلام ميمته والتحق بالعسكرية كان احسن له

وبالمناسبة أذكر قوله تعالي "وعسى أن تكرهوا شيئاً وهو خير لكم"

يعني عبيد كان ممكن يلتحق بجامعة أمريكية شهادتها معترف بها دولياً وبعد ما يتخرج وكله نشوة انتصار وتأهب للمستقبل ويحمل العلم سلاحاً ليذود به عن وطنه ويقف في وجه محاربيه ومخربيه ،، ينصدم بالواقع المرير الذي لا يخفى على أحد من سيطرة عقول أجنبية على قمة الإدارة العربية ... لُيقذف به في دوامة لا يعلم متى يخرج منها ،، أو ينحط على رف درجات الوظائف الحكومية!

وكي لا نُنعت بالتشاؤم ... فعبيد لازال له آمال كبيرة في تغيير واقع غالب وطابع قبل أن يكون شخصياً ....

وكما هي حال الكثيرين ممن اضطروا لقبول دراسة تخصصات غير التي أحبوها لأسباب معينة ثم يكتشفون بعد ذلك أن الله سبحانه وتعالى وفقهم لما هو خيرٌ وأفضل ..

000000

1س / ماهو مصير .. كل من كان مثل عبيد .. ؟

يعلمه الله سبحانه ،، قد يجد له مخرجاً من تلك الأزمة ،، بالتفكير في أعمال خاصة أو حتى بمحاولة التجارة ولو ببيع البطيخ!!!

2س / من هم أطراف قضية عبيد ؟

أعتقد أن الأطراف تُختزل في طرف واحد .. ألا وهو عبيد!

لن أكون ظالماً إذا حملته المسؤولية ،، فلديه الكثير ليقوم به لكنه .. انتظر!

3س / ماهو الحل ؟

دائماً ما يكون حل أي مشكلة هو التفكير في الحل بحد ذاته

بنظري .. الأعمال الحرة هي الحل الأول ولو بدأ حتى بـ 5 ريال!

00000

قد تبدو نظرة وردية حالمة ،، لكنها ببساطة .. حقيقة واقعية

00000

أكرر شكري لك أخي العزيز على هذا الطرح الطيب والممتع في نفس الوقت

تحياتي لهذه الحماسة النادرة

والله يستر وسعود ما يقرأ الموضوع وينشبلي :)

سملتَ أخي وجزاك الله خيراً

دمتَ بود

،، احترامي ،،

[فقط الأعضاء المسجلين والمفعلين يمكنهم رؤية الوصلات]