لا أستطيع تسجيل الخروج من المنتدى

[BETTY BOOP]

السلام عليكم,,

أسعد الله أوقاتكم يالغالين..

بعد اذنكم:

انا مشكلتي لسوء الحظ ما اقدر اسوي( تسجيل خروج )من المنتدى ابدا

يعني اضغط( تسجيل خروج) ويقولي تم تسجيل الخروج بنجاح

بس يرجع يفتح لي الصفحة الرئيسيه وانا داخله يعني ما يمسح الكوكيز

^
^
^

مدري المشكله عندي بس اعتقد انها من السيرفر ,,ياليت اللي يقدر يفيدني لا يبخل علينا,,,


دمتم بود

[ورد]

السلام عليكم ورحمة الله وبركاته

يا هلا اختي ( بيتي بوب )

تصير وايد هـ المشكله ..

لكن في طريقه بعلمك ياها ..

وتنفعك بعد اذا دخلتي المنتدى من جهاز غير ( مو جهازك )

مثلا الجامعه او مقهى ..


( الخطوات )

1- سكري المتصفح .

2- زر الماوس اليمين على متصفح ( انترنت اكسبلورر ) في الدسكتوب.

3- اختاري ( خصائص ) . properties

4- بعده ( عام ) . General

5- مسح الكوكيز . Delet Cookies

6- تطبيق . Apply

7- موافق . OK


وهاي صوره توضيحيه


http://www.imageswebhost.com/store/434efa7c36.jpg

http://www.imageswebhost.com/store/cf289412bd.jpg


والسلام عليكم

[فراق العاطفة]

ما شاااء الله عليك ياااا أختاااه


دائماً أنت متألقة في جميع المواقف

وجميع الأمووور التي تحيررر الأعضاااء المنتدي

وأتمنااا يااا أختاااه بيت أبوووهااا

قد وصلت لك الحل السؤااال الذي كان محيررك

وقد وصلت لك المعلووومه


لأن الأخت ورده قد وفت لك بالكتابة والصووور


مع تمنيااااات للجميع التوووفيق والسدادد ...........

[BETTY BOOP]

ايه والله صدقت فراق العاطفة ,,كفت و وفت

وما جاء منها قصور

يسلموووووو حبيبتي ورد والف الف شكر,,

انا ممنونه لك جدا وان شاء الله ما اكون تعبتك معي,,

شكري وتقديري,,

[بنت العز]

مشكووووووووووورين ..
حتى أنا صااارلي كذا والله عقدني وخلاني أترك المنتدى فتره ..

[ورد]

السلام عليكم ورحمة الله وبركاته

حـاظرين لـ الغالين ..

واذا محتاجين اي شي والا واجهتكم اي مشكله .. لا تتردون

اذا فوق قدراتي :p.. فيه غيري ما شاء الله ما يقصرون


وكلنا نكمل بعض


فراق العاطفه / جزاك الله خير اخوي.. ان شاء الله اكون دوم عند حسن ظنكم فيني :)


BETTY BOOP / يا هلا اختي .. أهم شي استفدتي .. ولا تتردين بـ أي سؤال ~!$


بنت العز / لا تنحاشين من المنتدى مره ثانيه :p .. قولي لنا وان شاء الله بـ نقوم بالواجب ..




تحياتي

[إماراتيه]

ورد يعطيج العافيه يارب ... :)

[نجـ سهيل ـم]

عساج على القوة يا ورد... وما قصرتي في شرحج
~!$

وحتى تكتمل المسائلة....!!
هناك بعض مزودي الخدمة يلجأ إلى بعض الطرق في تسريع عملية الاتصال.. وهي بأن يحتفظ بنسخة من الكوكيز في سيرفر مزود الخدمة وبالتالي حتى لو مسحنا الكوكيز من جهازنا فإن مزودن خدمة الانترنت يرسلها لنا معتقداً بإن الجهاز بحاجة لها من أجل تسريع الاتصال بالنت...
ولتفادي هذه الحيلة... ومن أجل الوصول دوماً إلى صفحات نظيفة يتوجب علينا تفعيل خاصية دخولنا عبر البروكسي بإستخدام ملقم جديد http

وهذه الطريقة...

إذهب إلى الادوات <<< الموجودة في أعلى المتصفح
ثم إلى خيارات الانترنت
ثم قم بعمل ما هو موضح بالصورة:
http://www.asdaff.com/attachment.php?attachmentid=498&stc=1&d=1144248179

ثم موافق
وإنتهى :)

[ورد]

الله يعطيك العافيه .. يا مشرفنا

بس سؤالي

>>> ياكثر اسألتها

حتى في اجهزه الجامعه اسوي جذي اذا دخلت المنتدى من هناك ؟؟

والا هذي خطوه ثابته ؟؟

[نجـ سهيل ـم]

في أي جهاز...
سويها مرة وحدة...
وبعدها تقدرين تدخلين وتسوين خروج بإذن الله...
ولكن في نفس الوقت... الطريقة اللي قلتيها لازم تسوينها في أي جهاز مو جهازج
~!$

[BETTY BOOP]

الله يسعدكم جمييييعا يارب

والله ما تقصرون ..سويتها وضبطت معي الحمد لله


العزيزة (ورد) ,, مشرفنا الفاضل ( نجم سهيل)

لا عدمناكم يالغالين ,, وربي اسعدتوني بمساعدتكم



بنت العز ,, اماراتيه ,, فراق العاطفة

شاكره تنويركم الصفحه,,,


ارق التحايا..بيتي بووب

[اللؤلؤة]

مشكووووووره .. بيتي على الموضوووع ..

نفس المشكلة كنت اعاني منهااااا ..

بس الحين .. الحمد الله .. بعد توضيح وردتنا .. و مشرفنا الغالي .. :)

[Super Star]

مادري ليش تبي تمسحي الكوكيز

عادي لو دخل واحد بعدك وشاف المنتدى؟

ترينا متغطيين يالؤلؤه

[BETTY BOOP]

ههههههههه

لا ابشرك محد يدخل بعدي,,

بس انا احب اسوي

sign in

وأدخل الباسوورد وانتظر,,

بعدين شوي يفتح ويطلع لي رساله خاصه

ههههههههههه

حتى احيانا اطلع من ايميلي أو الماسنجر وادخل مره ثانيه بس عشان اكتب اليوزر نيم والباسوورد

خخخخخخخخخ وحده نصابه,,

[Super Star]

اعجبني ردك بتي بووب



الله يخلي لنا الكوكيز بدونها كان صارت علوم

[BETTY BOOP]

الله الله

[اللؤلؤة]

مادري ليش تبي تمسحي الكوكيز

عادي لو دخل واحد بعدك وشاف المنتدى؟

ترينا متغطيين يالؤلؤه

يوووووووه .. سوبر .. راااح فكرك لبعييييييد ..


سهم ورانية و بيتي يعرفوا ليش ..

~#%

[Super Star]

اه سهم ورانيه وبتي يعرفون



ايه


انا فهمت الان ليش

فكري راح ابعد من المكان اللي راح له اول هههههههههههههههههههههههههه

[نجـ سهيل ـم]

الحمدلله تم حل المشكلة
والآن إسمحو لنا بإغلاق الطلب
:)