اذا ماتت امي باتزوج

السلام عليكم ..
اخت همي الليل اسعد الله اوقاتك .

اعتقد هذي مشكله حاصله في كل بيت ومن البنات بالذات واقصد بنات اليومين ذولا . فالبنت دايم تبغى تمشي على راحتها ولا عليها من الطريق ان كان صح أو خطأ . ومافي أم تكره لبنتها الخير ابداً ابداً مهما كانت الأسباب .

واعتقد أن سر تفاقم المشكله بين زميلتك وبين امها هو بعد التفاهم بينهم وبعد التقارب بينهم بمعنى أن البنت إذا كانت قريبه من امها راح تكون افهم أكثر لعقلية أمها ويكونوا على رأي واحد وأكثرالبنات المفروض أنهم يكونوا قريبات من امهاتهن ..... ليش ؟

البنت وش لها في بيت اهلها غير امها أذا كانت صالحه وتعرف ربها صحيح . والبنت أن طاوعت اهل الشارع ومنهم زميلات بالمدرسه أو جارات سيأت الخ .. ماراح ترضى برأي أمها أو أهلها .

اختي همس ... الإنسان إذا ماعجبه شي يقول عليه مو شي ... غلط ... موعدل ... هذا كله ليش !!!! علشان الأهل صح وهي تتبع كلام أو تصرفات أو معامله ماهي صحيحه وهذا ما يسبب البعد عن حنان الأم والتفاهم معها .

ورحمة الله ماتتم الا برضى الوالدين . فالجنة تحت أقدام الأمهات والوالدين لهم حق علينا مهما كبرنا أو أغتنينا أو ارتفع شأننا هي الأم وهو الأب وهم أساس الحياة .

تخيلي أن امها غير موجوده ( ماتت من مده طويله ) فكيف تكون حياتها بدون أم ؟؟؟؟

صدقيني في هذا الوقت هي من راح يقول وينك ياأمي ليتك عندي ليتك حولي ليتك تشوفين وش مسوي ( ابوي أو اخوي أو زوجي ) واقع وحقيقه .

ومن باب الواقع المعايش من قديم الزمان إالى الأن وعلى مر حياة الأنسان تذكري انتي اختي همس لما تجين تبكين بحرة قلب وش تقولين ( يمه يمه ) هذا اكبر دليل على أن الأم يبدء ذكرها عند الأنسان كغريزه سبحانيه عند البكاء فكيف نكرها أو ننساها في يوم من الأيام .

ماأروع كلمة أمي ........ هي الحنان .... هي الود .... هي من ندخل الجنة برضاها بعد الله .... هي من تبكي لمرضي .... هي من تسهر لراحتي .... هي من اوصانا الله عليها اكثر من الأب .... هي اساس حياتنا نحن البشر .

اسف على الأطاله ولكن الأم وما أدراك مالأم .


تحياتي ................