كــل مــاتريد ان تعرفه عــن Nos

2-النظام الجاف او dry system :
ويتوفر تحتها انواع حسب القوة التي توفرها والمكينه التي تركب عليها (4،6،8 سلندر)
هذا متوفر للسيارات العاديه يعطينا من 40-75 حصان يأتي معها مضخه بنزين خاصة تفتح فقط عند تشغيل النوس.
لاتخلطوا في كلمة جاف مو معناه انه الغاز ناشف لأ ابدا



معناه انه البنزين اللي هوا سبب الاشتعال بيصب من البخاخات مع النيتروز من غير ماينخطوا قبل مايدخلو (اتذكروا البنزين هوا اللي بيعطي القوة لكن النوس
بس يخليك تحرق بنزين زياده) زي منا شايفين في الصوره يبغالنا نخلي البنزين فوق جاف يعني مايوصل بنزين فوق وهذا يتحقق باحد طريقتين:
أ-بزيادة ضغط البخاخات للبنزين بالتحكم بضغط النوس فيزيد ضغط البنزين.
ب-نضحك على البخاخات ونخليها مفتوحه لفتره اطول كيف؟ نلعب ببرمجة الكمبيوتر ونخليه يشوف شي تاني فيضخ بنزين زياده.
بمجرد اضافة البنزين ينضخ النوس على طول ويعطينا القوة.

3-النظام السائل wet system:

يعطي 50—150 حصان ويستخدم في السيارات ذات السوبر تشارجر او التوربو بسبب زيادة تدفق الهوا وزيادة الحراره.
هنا البنزين يخلط مع النوس قبل دخوله للبساتم زي مهو موضح في الصوره




صنع قريبا نظام power fogger ل4،6،8 سلندر يعطي من 35-125 حصان حسب المكينه
ملاحظه:لاتستخدم شرائح chips او تغير برمجة الكمبيوتر تبع السياره لتزيد دورات المكينه لأنه يسبب انفجارها.



4-أنظمة للكاربريتور باستخدام صفائح palte/carb systems:
في منها انواع هي:

أ- نوعين حقن قوية او حقن سوبر power shots& super power shots
وهي لسيارات الكاربريتور 6 و8 سلندر فقط طبعا يأتي مع كل المتطلبات من اسطوانه وغيرها ويعطي من 100-150 حصان بضغطة زر. يأتي معه صفيحه سخيفه تركب بين الكاربريتور والانتايك مانيفولدintake manifold. في هذه الصفيحه توجد قضبان بها بخاخات خاصه تضخ مقدار مناسب من النوس والبنزين مما يعطي قوة سلسه على الطلب. واذا اصباعك بعيد عن زر النوس صرفية البنزين ماتتغير 
الفرق بين الحقن القويه والسوبر انه في السوبر يأتي معاها نظام تحكم ببخ النوس ممكن تاخد 100 او 125 او 150 حصان(يعني تبغى تفشخ كمارو تشغل قليل اذا جاك كورفيت تشغل اكثر وهكذا)
امثله على سيارات ركب عليها حقن سوبر 125 حصان في الربع ميل (زمن/السرعه القصوى)
1968 شيفيل 327 CID قبل 14.3ث/98.1ميل بعد التركيب 12.5/109.6
1977 نوفا 305CID قبل 14.9/91.4 بعد 13.4/102.5
1985 موستنج جي تي 302 CID قبل 15/92.7 بعد 13.7/105.2
1974 دستر 340 CID قبل 14.8/93.2 بعد 13.6/104.2
لإعطاء القدر المناسب من البنزين للكربريتور ونظام النوس يجب وضع طرمبة بنزين تشتغل بين 4.5 و7 PSI بواقع 0.1 جالون للحصان الواحد عند 6PSI يعني لو سيارتك 350 حصان بعد تشغيل النوس يبغالك طرمبة تضخ 35 جالون=132.49 لتر في الساعه على 6PSI (كتير؟ لاتخافو لأنكم ماحتشغلوه اكتر من 10 ثواني بس) طبعا القوة تعتمد على حالة مكينتك وممكن استخدام نفس القصبان والبساتم والكرانك شافت لكن اكتر من 140 حصان من الافضل تغير الاشياء السابقه الى ريجيد.

ج- نظام القناص sniper nitrous systems




أفضل نظام في السوق في دخول مرحلة النوس لأنه المهندسين في نوس اصابو عين الثور زي مايقولو بتصميم هذا النظام لأنه اقتصادي في البنزين والسعر
كمان (افرحو في شي رخيص) ميزته انه مخصص للشوارع العامه لأنه مهو خطير على السياره ويعطيك من 100-150 حصان وحيعطيك اكتر مما تطمحله لنه في اختبارات الداينو على شيفي 355 CID بلوك صغير اعطانا 163 حصان زياده وزاد العزم 195 قدم.رطل ويجيك جاهز للتركيب من العلبه على طول مع علبه برتقانيه مو زي العاده وكل المتطلبات الاخرى
ملاحظه: للحصول على احسن قوة من النظام انتبه على عدادت البنزين والنوس وحاول تخلي النوس في درجة حراره مناسبه باستخدام سخان اذا الجو بارد او بطانيه خاصة اذا الجو حار (سوف اذكرها لاحقا)

د-انظمة نوس ذات حقن كبيره بمرحلة واحده big shot single stage nitrous systems :

اقوى نظام في العالم ذو صفايح حقن احاديه يعطي من 200-400 حصان ويستخدم صفايح ضبابيه لتحسين تدفق النوس وفصل البنزين الى ذرات والخلط بين البنزين والنوس. الصفيحه فيها قضبان بخاخات خاصه ذات 88 فوهات صغيره موزعه توزيع مدروس لاعطاء قوة خارقه 400 حصان وتجي معاه الاشياء المعهوده بزيادة 6 اسلاك توصيل غاز نوس لكن القوة المحصله تعتمد على المكينه المركبه عليها (طبعا 8 سلندر اقل شي)
تنفع لأصحاب الموستنجات 5 لتر
**طبعا 400 حصان تجيك فجاه في يدك ماتقدر تتحكم بيها عشان كده ممكن تركبها على مرحلتين big shot dual stage زي ماقلنا فوق واصلا الكفرات والشاصيه ماتكون على مستوى ال400 حصان فنخسر سحبة السياره.
كيف حنشغل النظامين؟
النظام الاول من القومه خلينا نقول 200 حصان ناخد بس طبعا النظام هذا يكون شغال بزر وبعد مانعدي ال120 او اكتر كمل ال400 حصان بضغط الزر الثاني او بتركيب مؤقت زمني نبرمجه قبل السباق انه يشتغل عند سرعه او وقت معين طبعا او مايشتغل النظام الثاني يطفي النظام الاول حتى لو ماغلق النوس عشان لاتنفجر المكينه.



ب-نظام الغشاش cheater nitrous system:

تستخدم بخاخات قويه وكل القطع كبيره لأنها تعطي من 150-250 حصان في ثواني بسيطه وينطبق عليها كل الكلام اللي قلناه عن الصفايح.
حلاوته انه يجي على مرحله او مرحلتين لأنه يجي في سيارات مره قويه فما يمديك تستخدم القوة القصوى من البدايه لكن على مرحلتين ممكن وفي جهاز تحكم خاص للقوة سوف نذكره لاحقا. يعني عندك قوة من البدايه لخط النهايه
كل بخاخ(غشاش) ياتي معه 4 مراحل بخ ممكن عن طريقها اخد 150-180-210-250 حصان.
هنا لازملك طرمبة بنزين اقوى من السابقه والاهم لازم تغير بساتم لأنه الضغط عليها كبير،حط بساتم ريجيد
**زي ماقلنا فوق انه ممكن يجي على مرحلتين اسمها dual shot cheater

لأنه النوس مره قوي ويخلي الكفرات تحفر مكانها من غير ماتتحرك السياره بسرعه ويغلق النوس لكن اذا حطيناها على مرحلتين الاولى ببخاخين تعطي من 100-150 حصان في القومه واول ماتوقف الكفرات من التفحيط يعني على 120 كيلو او اكتر شغل المرحله التانيه تعطيك بقية ال250 حصان لكن هذا يركب فقط على 8 سلندر وفوق 350 CID وبرضو اذكر في سيارات قوتها تكون مره قويه والسياره تلعب وماتقدر تتحكمبها من القوه فهنا تستخدم nitrous progressive control system وحذكره بعدين


5-أنظمة نوس المخفيه hidden nitrous systems:
هذه للي يبغى يلغم من غير محد يعرف انه ملغم

أ-بيتي المتسللsneeky pete

وهو نظام من نظام الغشاش يحسنلك القومه لكن فقط في اعشار الثانيه ويركب فقط على الكابريتور. سهل التركيب جدا ياتي مع اسطوانه 10 اونصه وحامل بطاريه 9 فولت واسلاك مغلفه واشكال من البخاخات.مكن تشيله معاك في شنطه وتركبه بنفسك




ب-حقن علويه او top shot
اسهل قطعة تركيب من نوس ممكن تحطها لأنه تخفي القطعه في فلتر الهوا حيث انه البنزين ينضخ مع النوس مباشرة على الكابريتور وتحصل على 75-150 حصان




ج-under manifold cheater systems:
له جميع مميزات البخاخ المباشر ويوفر مساحه كمان ويبخ مقدار محدد لكل منفذ ويركب ل6سلندراو 8 ويعطي من 100-250 حصان والاسلاك مره ماتبان (مخفيه)





1-مبرمج تحكم تصاعدي للنوس programmable progressive nitrous controller:
هذا اللي قلت اني حذكره وهوا مهم جدا لأنه يعطيك قوة بسلاسه مما يحسن من زمنك لأنه اسوا شي عند السواقين انهم يخسرو سحبة السياره traction بسبب عدم تحمل الشاصي والكفرات للقوة الجديده اللي جات .
المبرمج هذا يخليك تتحكم بضخ النوس من 0--100% والزمن المطلوب لزيادة ضخ النوس (يعني في القومه ابغى 20% بس بعد 3 ثواني اخليها 80% وبعد 6 ثواني اقله ضخ كل النوس الباقي) والجهاز هذا مره سهل الاستخدام كل الازرار موضحه عندك.




2-نظام صفايح صليب مزدوجه double cross plate system:
يعطي من 250-500 حصان ميزته التوزيع الملائم للضخ لكل صمام والصور توضح



3-هذه صورة لعداد صغير سهل الاستخدام


4- وهذا منظم بضغط البنزين

5-وهذه قطعه عجبتني تتحكم بفتح الاسطوانه من بعيد

هذه مصنوعه من كربون فايبر ووزنها خفيف جدا وشكلها مميز كمان
وعلى فكره وزنها قد وزن نص الاسطوانه العاديه وهيا فاضيه شفتو الفرق


وهذه الصوره وهذه جميع المقاسات المتوفره متوفره اما بلون ازرق او بلون فضي لامع رهيب ومصنوعه كلها من خليط المنيوم ولها صمامات مخصصه للاسطووانات ذات ضغط عالي
وهذا اللون الازرق



THE END