ماكل من يضحك بدنياه مسرور

سود الليالي علمت الرجاجيل=
=لاحدهم لمقابل النذل حاجه
الله يقطع حاجة دونها بخيل=
=يوعدك غيم وينقلب لك عجاجه
شرب الهماج احلى من مقابل النيل=
=يغنيك عن منة قراحه هماجه
ماعادبه فزعه ولابه محاصيل=
=كل عقد لك بالمواقف حجاجه
ولاينفعك كثر المواعيد والقيل=
=كان العمى ينفع ظلامه سراجه
ولااكل طلبات وراها تساهيل=
=غير البلا اللي مايثمن خراجه
ان كان مابرقك صدوق المخاييل=
=اعرف ترى كثر التمني سماجه
صم الصخر مابه مبارك ولا مقيل=
=ودرب العواجه لو يسرك عواجه
الرزق عند اللي يسوق الهماليل=
=مامن ورى سود الوجيه انفراجه
احيان تبغى موقف العو وتميل=
=والرجل ون ميل يبي يطيح تاجه

ومــا كل من يخطي من الناس معذور ..... الـبعض يخـطي مـن علوم العواجه

ياسلام يالورده البيضاء على هذا النقل والإختيار الموفق

لله درك مااجمل ذوقك واحساسيك ياصاحبة القلب النقي

ومــــا كل من شاور حكيمٍ خذا الشور ..... بعض البشر مـــا يقــنع الا مـزاجه
ومــــا كل من سمي صقر يشبه صقور ...... كم من صقر وقت الشدايد دجاجه

في منتهى الروعه يالورده سلمتِ ودائما بإنتظار طرحك من القصائد لاعدمناك

تحياتي وتقديري