شكلي طلعت أن أضحية العيد
ههههههههههههههههههههههههههههه

المهم

كل عام وأنتم بخير وشكراً أختي على اختياري خصوصاً مع قرب عيد الأضحى
والله يستر خخخخخخخخخخخخ

لي عودة إن شاء الله

تحياتي

السلام عليكم
يسلمواااا الم مدفون عالفكره الروووعه
و أنا
بانتظار رد بحر المشاعر

مشكووووووووووووورة الم مدفون وكلنا ننتظر عودة بحر المشاعر

عشان يقول لنا عن يومه

اختك: بنوتة دلع .

احم احم

أنا جيت

المهم لايكون في احد متوزي ورا الباب وبيده ساطور والا سكين

ههههههههههههههههه


كيفكم جميعاً إن شاء الله بخير

طبعاً أنا ثرثار بطبعي وأحب السوالف = صريح وأكيد عارفين بدون ما أقول


الزبدة

اليوم كان برنامجي ملخبط بقوة

طبعاً سهران عشان كان عندي ضيف من خارج الرياض وما نمت
خرجت الفجر وصليت ورجعت

شربت كوب نسكافيه (إدمان ماله حل)
خصوصاً إذاكنت نعسان وأبي أصحصح

وطلعت ابي أروح دوامي 6:30

*
لقيت الكفر حق سيارتي مبنشر
//وش هالنحاسة من الصبح//
عرفت اليوم حيكون حااااافل
فك الكفر وغيره يولد
وراك شغل ومهم ولابنشر الكفر الا اليوم
الشكوى لله والحمد لله على كل شيء

غيرته بعد طلوع روحي
خصوصاً والجو بارد
يعني أنواع البهذلة من الصبح
رجعت بدلت ثوبي ومشيت
تأخرت عن الدوام طبعاً لأن عملي بعيد
ودوامي 7 ونص يبدأ

وصلت لقيت الدنيا مقلوبة
وسمعت كلمتين في العضل بس عااااااااادي
لأن في أوراق من أمس موصيني أجي علشانها بدري
وصار الي صار
بس مديري والله غالي وحبيب وعمره ما قصر معي
لا في حسن معاملة ولا في تعليم وتدريب
وهذا الي يخليني أتحمل كلامه وحرصه خصوصاً إذا أنا متأخر
بس عذرني لما عرف وش سبب تأخيري

بعد كذا
شربت فنجان قوة (الإدمان الثاني)
//بس ما عليكم ما عاد في إدمانات بعد كذا//
ههههههههههههههههههه


طبعاً زحمة الشغل كانت غير عادية اليوم
كإن الناس كانت موقفة الشغل وقاصدة تجيب كل معاملاتها مرة وحدة
الحمد لله مشيت الامور تمام

// شوي وأنا شغال وصلت فاتورة تلفون البيت
أهلا وسهلا //
شوي بعدها // فاتورة الجوال
يا مرحبا //
شوي ثانية // فاتورة جوال أهلي
والله خلاص كفاية اليوم // أقولها في نفسي


طبعاً الفواتير الي يجيبها لي يعطيني اياها وهو يضحك
عارف اني ببوزلي ساعة بعدها عشان جابها أقساط مريحة
يعني مقدر ظروفي الله يجزاه خير


كان عندي مشوار للعائلة فاستأذنت بعد الظهر وروحت
خلصت مشواري بعد المغرب وأنا ميت نعس
نمت ولا صحيت الا الساعة 9 نص
صحاني أخوي
جاي يزورنا وكان مكلمني انه بيجي بس نسيت

ولما روح جيتكم أكتب يومي



وتوتو توتة خلصت الحدوتة
هههههههههههههههههه




تحياتي وعسا ما أكون طولت عليكم


//أحس في ناس بتقول كل هذا وما طول
خخخخخخخخخخخخخخخخ //



سلامي للجميع وشكر خاص لأختي ألم مدفون
ولكل من شارك في الموضوع ورحب بالفكرة


في أمان الله